"ලංකාවේ කව්ද අලුත් චිත්‍ර ඇන්දේ? ඒ කියන්නේ ගැලරියේ මීට කලින් දැකල නැති චිත්‍ර. චන්ද්‍රගුප්ත තේනුවර තමයි ලංකාවේ අලුත් චිත්‍ර ඇන්දේ "
~දීප්ති කුමාර ගුණරත්න ~
දීප්ති කියන මේ කාරණාව බරපතලයි. ඇත්ත තේනුවර කියන්නේ ලෝකයට baralism (බැරලිසම් ) හඳුන්වලා දුන් කෙනා කලාගාර අවකාශයකට බැරල් එකක් ආර්ට් එකක් හැටියට සහ දේශපාලනික ප්‍රකාශනයක් හැටියට ගෙනාපු කෙනෙක්. චන්ද්‍රගුප්ත තේනුවර කියන්නේ ලංකාව තුල දෘශ්‍ය කලාවේ Landmark එකක්. විධිමත් ශාස්ත්‍රාලයීය අධ්‍යාපනයකට උරුමකම් කියන මොහු රුසියාවෙන් මාස්ටර් එක ගන්නේ ඇකඩමික් තුල මානව රූපයේ ප්‍රාමාණිකත්වය සාක්ෂාත් කර ගනිමින්. මොහු නිසා සෞන්දර්යයේ ගොඩක් සිසුන්ට මිනිස් සිරුරේ ප්‍රකාශන සූක්ස්මතාවන් සහිත තැන් සහ මිනිස් සිරුරේ සමස්තය එකට පිහිට වූ තථ්‍යාකාරයක් ලෙස ග්‍රහණය කර ගත යුතු හැටි ඉගෙනගැනීමට අවස්ථාව උදා වුණා. මමත් යම්කිසි කාලයකදී තේනුවර සර්ගෙන් මානව රූපය සම්බන්ධව විද්‍යාවක අභාෂයෙන් ඉගෙනගත් දේවල් අද වන විට අලුත් ශිෂ්‍ය පරම්පරාවට ලබා දෙමින් ඉන්නවා. විශේෂයෙන් ගුරු භූමිකාවේදී සමහර තැන්වල අභ්‍යාසවලදී නිර්ධය විවේචනවලට අප එල්ල වුවද, ලජ්ජාවට පත් කලද, අවශ්‍ය ලකුණු ප්‍රමාණය මොහුගෙන් ලබා ගැනීම අසීරු උවත් මම තේරුම් ගතපු කාරණාවක් තමයි ලකුණු 10ක් ලබා ගත්තද ඒ ලකුණු ප්‍රමාණය ලකුණු 100 පමණ වටිනා බව. මෙහෙම ඇකඩමික් විනයක් තුළ වැඩ කරපු මොහු කොහොමද බැරල් අඳින්නේ කියල කියල ගොඩක් අයට ප්‍රශනයක් උනා. තේනුවර සර් නිසා දෘශ්‍ය කලාවට අලුතෙන් එකතු වූ වචනය තමයි "Baralism "(බැරලිසම් ) කව්රුවත් කියන විදියට ඉන්නේ නැතුව කලාකාරයෙක් විදියට ඉන්නේ 'කොහොමද කියල අපිට බැරලිසම්වලින් කියා දෙනවා. (දේශපාලනික වන විදිය )චිත්‍ර කරන ළමයෙක් මම හිතන්නේ තේනුවර සර් ගෙන් ඉගෙනගන්නවා කියන්නේ තමන් කරන වැඩේ ඇතුලේ මහා ශික්ෂනයකට ලක්වෙනවා කියන එකයි.එයාගෙන් වේගය සහ කලබලය කියන එක ලස්සනට වෙන්කරලා හඳුනාගන්න පුළුවන්.
ප්‍රගීත් රත්නායක
No comments:
Post a Comment